2025-nji ýylda Türkmenistanyň Döwlet ätiýaçlandyryş guramasyna «Fitch Ratings» halkara reýting agentligi tarapyndan Ätiýaçlandyryjynyň maliýe durnuklylygy (IFS) we Emitentiň uzak möhletleýin defolty (IDR) boýunça «B durnukly» reýting derejesi berildi.
Türkmenistanyň Döwlet ätiýaçlandyryş guramasyna berlen bu halkara reýtingi guramanyň daşary ykdysady işini mundan beýläk-de işjeňleşdirmäge we beýleki döwletler bilen ykdysady gatnaşyklaryny giňeltmäge ýardam eder. Bu barada Döwlet ätiýaçlandyryş guramasynyň resmi saýtynda habar berildi.
«Fitch Ratings» baha beriş gullugy bolup, ol «Uly üçlük» halkara reýting agentlikleriniň biri hökmünde tanalýan amerikan korporasiýasydyr.